تعرف على شخصيتك من خلال ضحكتك في المنتدى

ههههههههههههههههه

صاحب هاي الضحكة صدره واسع ........طيب ...........مرح........مجامل بشكل كبير .....مسالم وعلى نياته ......دائما مبسوط وبارد ......دايما يضحك على اقل شي حتى ممكن يضحك في مواقف غلط يعني في موقف حزين بتلائي يضحك وبيصير نفسك تضربه في اي شي معك يعني غبي بس طيب

ههههههههههههههاي اهم شي الياء

انسان شايف حالو ومتكبر ........ضحكه قليل .......متسلط.......ويحس بالنفص ........... دمه تئييييييييل احسن طريقه للتعامل معه تجاهله وعدم شيله من ارضه

هاهاهاهاهاهاهاها بنفس الترتيب

انسان مرتب ومنظم ........يعني اذا دخلت غرفته ما بتلائي شي مش في مكانه كل شي مرتب حتى الضحكة ........مثقف ......ويلبس نضارات اكبر من وجهه ........ما بيضحك كتير بس يبتسم اكتر .....شكله بيخليك ترتاحله وتشكيله وعادة تلائي عنده الحل واذا ما لئيت على الاقل بترتاح

نياهههههههههها

عضو شرييييير بموت في الشر ..........قمة السعادة عنده انو يرج علبة بيبسي ويعطيها لصاحبه يفتحلو اياها .......عيونه بيطلع منها شرار ......على الاغلب بيكون مركب سن دهب منشان اذا ضحك يلمع وافضل طريقة للتعامل معه انك تبعد عنه (ابعد عن الشر وغنيله) بس المشكله انو ما راح يتركك في حالك حاول ما تعطي فرصه

هههها اها ههااههه بنفس اللخبطة هي

انسان مضيع بكل معنى الكلمة يعني لو سالته عن اسمه ممكن يحكيلك ممكن اتصل بصديق منشان الموضة ......اذا مضطر تدخل غرفته حاول من بعيد تفتح الباب وبحذر منشان اذا لا قدر الله سقط عليك شي من هون ولا من هون ما تتأذى......دايما بيعلك وماسك طرف العلكة وبيشد فيها ......وبحاول يخفف دم بحركاته البهلوانيه....واذا سبيت عليه عادي كأنك بتسب ابن الجيران الشي الوحيد اللي يستفزه انك تسب اهله

هه هه هه هه هه

انسان متردد ....يفكر 60 مرة فبل ما يضحك او قبل ما يعمل اي شي ......رومانسي .......يراعي مشاعر الاخرين .....خدوم يحب مساعدة اصدقائه حتى لو ما بيأدر يساعد بيحاول هذا النوع من الاعضاء نادر وجوده واذا صادفك احدهم تمسك به لانه مهدد بالانقراض

كعكعكعكعكع

انسان اشبه (بالدب) او (الفيل) يتراوح وزنه ما بين 100 الى 150 كغ استمد ضحكته من كتر الاكل كريم جدا لدرجة الاسراف وخاصة اذا كان الموضوع في اكل ما بيطلع من البيت معظم وقته على الكمبيوتر او التلفزيون او نايم ودايما حامل ساندوش يتسلى فيها مشروبه المفضل البيبسي اما الشاي والقهوة ما بيعرف طعمها


كااااااااااااااااااااااااك

انسان مرتب نوعا ما ......متوسط البنية ......يحب الاكل في المطاعم بالرغم انه لا يحب تغير مطعمه المفضل ..مزاجي ....وفضولي ....هادئ...... بسيط ....التعامل معه سهل جدا

و الله انا نزلت الموضوع مشان شوف ضحكتك يا استاذ

و الله يا أستاذ أنا ما بلينتني لح أنجح يمكن أرسب بالعربي

معتز أنا الوحيد يللي بعرف ضحكتو لأنا متل ضحكة ال............
و إنشاء الله ما حدا بيرسب